Maminta gondang

ON MA ANGKA GOARNI GONDANG MANANG PANJOUON DI GONDANG MOLO MANGADOPI ULAON MENYESUAIKAN DOHOT ACARA NA.
(Na Somal diulahon di Tano Parserahan )

1 GONDANG MULAMULA
Tangan do botohon, ujungna jarijari,
Jarijari sampulu marsiganjangganjangi.
Jonjong hami dison, jumolo marsantabi,
Santabi di amanta raja, santabi di inanta soripada.
On pe nuaeng amang parogung oloan, panggora sungkot di langit, parsoara tandos tu tano, pargonsi sitombus dolok, parpanangar na gok di rura, partaganing parunung-unung, parsarune parende-ende, partarias namalo.
Alualuhon ma jolo tu Ompunta Mulajadi, Sitompa Hasiangan, Sigomgom Parluhutan, Silehon Aek Na Tio, asa tangkas na di banua.
Alualuhon ma muse tu sahala ni amanta raja, raja na hot di adat, raja na ingot di umum, sitiop parpatihon dohot sitiop hatian.
Alualuhon ma muse tu badia ni inanta soripada mulia, ina parorot, ina batak mardinding, ina batak marparapara.
Ia nunga dialualuhon hamuna i, amang pargonsinami,
Gorga ni jabu ruma, binuat batu hula.
Manortor hami nuaeng dison, bahen hamu ma jolo Gondang Mulamula.
2 GONDANG SOMBASOMBA
Dison hami …….., asa rap marsomba hami tu Debata, dung i laos husombasomba hami ma muse ……, di antaran na bidang, di lobuan na godang on.
Ala ni i, pargonsi, laos bahen hamu ma Gondang Sombasomba i.
3. GONDANG SIMONANGMONANG (GONDANG MANGALIAT)
Asa tinoto ni ulaon on, dapot hamonangan, mandopang hahijangon, asa andar parsaulian di …… jala tongam di tonga ni mangajana.
Bahen damang ma, pargonsi, Gondang Simonangmonang i, asa mangaliat hami.
4. GONDANG SAMPUR MAROROT (GONDANG MANGOLOPI)
Ia nunga dibahen hamu Gondang Simonangmonang i, jala nunga mangaliat hami, liat ni hagabeon ma i, liat ni parhorasan, manjalahi hamonangan, di …… rodi situan natorop, na humaliang na lumolo.
Sai anggiat ma tinoto ni ulaon on, papitahon nauli, mandimposi na denggan, pinarorot ni adat sian paradatan, pinarorot ni uhum sian paruhuman, pinarorot ni patik sian parpatihan.
On pe, nuaeng pargonsi, bahen hamu ma Godang Sampur Marorot i.
5. GONDANG DIDANGDIDANG (GONDANG HARIBURON)
Ia nunga dibahen hamuna Gondang Sampur Marorot i, sai pinarorot ni adat ma tutu, pinarorot ni patik dohot uhum, saluhut hasuhuton on dohot nahumaliang.
Tinoto ni ulaon on, anggiat ma ……
Tuhanta ma na masumasu hita, dohot mandidangdidang sude gomparan ni ……, asa rap mandidang sahala ni amanta raja, dohot badia ni inanta soripada mulia.
Bahen hamu muse Gondang Didangdidang i.
6. GONDANG SITIOTIO DOHOT HASAHATAN
Pininta ni ulaon ……. on anggiat ma songon hata ni sijolojolo tubu:
Marsiaminaminan songon lampak ni gaol,
Marsitungkoltungkolan songon suhat di robean.
mangulahon dibagasan sada pangkilaan
asa marjunjungan songon dolok
marbanggua songon rura
jumpang na jinalahan
tarida na niluluan.
Las ma dingindingin, las ginolomgolom,
Horas ma tondi jala madingin, Tuhanta ma na manggomgom.
Martantan ma baringin, mardangka hariara,
Matorop maribur ma gomparan ni ……
Matangkang ma juara.
Sitongka ma di hita na sambar parnidaan,
sitongka ma nipi na halobuan,
sitongka ma bala ni na niula,
sitongka ma sahitsahit tu jolma.
Sai sipatiur na di juluan ma, jala sipatio na di jaean, di saluhut ……. on.
Sahatsahat ni solu ma, sahat tu bontean,
Sai sahat ma ……. on,
Sahat gabe, sahat horas.
Sahat ma nauli, sahat ma na denggan hasahatan ni tortornami bahen hamu ma Gondang Sitiotio.

Panduan Maminta Gondang

Berikut adalah panduan untuk maminta gondang dalam suatu ulaon Pesta Bona Toan baik itu parmargaon maupun parsahutaon.

Contoh dibawah untuk kegitan Pesta Bona Taon

Berberapa catatan penting:

1.   Sebaiknya manortor tidak dimulai sebelum ada gondang pambuhai (najolo didok goarna mangalap tua ni gondang). Misal : jangan manortor pada saat pelantikan/pengukuhan pengurus bila memang belum ada gondang pambuhai.

Jika Pengurus yang dilantik atau yang melantik hendak manortor maka acara pelantikan dilakukan setelah hasuhuton (panitia pelaksana) selesai maminta gondang / tortor pambuhai.

1.   Hanya pada tortor pambuhai disampaikan pinggan na hot berikut isinya yakni parbue pir (beras), demban (sirih 3 / 5 lembar), uang (3 /  5 lembar) Note: dalam filosopi orang batak angka yang baik adalah angka ganjil.

2.   Sebaiknya setiap grup panortor sebelum maminta gondang menyampaikan pamintaan (sejumlah uang seikhlasnya) kepada pargonsi, namun tidak lagi menggunakan pinggan na hot, demban (langsung serahkan, misal Rp. 20.000,-) Filosopinya adalah si palas roha ni angka pargonsi agar mereka gembira riang.

3.   Sebaiknya acara manortor di tutup dengan tortor natua-tua (tortor hasahatan) jika natua-tua belum ada maka tor-tor ditutup  oelh pengurus . (Note: kategori natua-tua  sebaiknya angka  naung marpahompu dan umur diatas 60 tahun).

Maminta Gondang / Tortor Pambuhai à Hasuhuton (Panitia Pelaksana)

1. Mambuhai Ulaon

Tangan do botohon, ujungna jarijari,

Jarijari sampulu marsiganjangganjangi.

Jonjong hami dison, jumolo marsantabi,

Santabi di amanta raja, santabi di inanta soripada.

Marsisisean Sijalo Gondang Pambuhai dohot Pargonsi

SG = Sijalo Gondang, P = Pargonsi/Parmusik

SG      :         Amang Pargonsi nami, partarias namalo, boha nunga mangarade hamu ?

P        :         Nunga mangarade be hami amang, gonghon sipaimaon, jou-jou siadopan. Di gonghon dohot jou-joumu tu hami nunga marnatampak hami di

hundulan nami di passa-passa on, asa nuaeng pe asa pinta hamu ma

gondang mu asa hu palu hami taganing nami.

SG      :         Nauli ma tutu jala nadenggan, dison huparade hami do pinggan nahot, rap dohot nasa isina, parbue pir, demban tiar dohot ringggit si tio soara, denggan ma jalo hamu. (dipasahat ma tu pargonsi)

P        :         Mauliate ma tutu jala na dengggan, dison hujalo hami do sian hamuna pinggan na hot rap dohot nasa isina:

Asa songon ni dok ni natua-tua mandok :

Martampuk bulung, marbona sakkalan

Marnata do suhut, marnampuna do ugasan

Ba nunga hujalo hami sian hamu pinggan na hot rap dohot nasa isina

Parbue pir, demban tiar dohot ringggit si tio soara,

Jala dia do hinatahon ni on, denggan ma hatahon hamu

asa huboto hami mangalusi.

SG      :         Nauli ma tutu jala nadenggan, Amang pande nami partarias namalo, ia partording ni ulaon on ima : Napungu do hami namardongan tubu, anak, boru dohot bere Pomparan Raja Sitorus namarhuta di Tangerang dohot nahumaliangna, Manghalashon pasu-pasu naung hujalo hami sian Tuhanta Pardenggan Basai, boi hami taripar tu taon 2009 on, jala mangido pasu-pasu  dohot pangiring-iringion ni Amanta Debata asa boi hu dalani hami taon 2009 on jala gok pasu-pasu, hahipason, hamoraon, hagabeon baen sangap di Tuhan i.

Nunga hu halashon hami na sogot marhite Partangiangan, nuaeng naeng

rap manortor ma hami paherbang tangan jala pagale gonting.

Taringot tu pinggan na hot rap dohot nasa isina i tar songon on do lapatanni i:

Ia lapatan ni parbue pir :

Pir ma pokki bahul-bahul passalongan,

pir ma tondi nami, pir ma nang tondi muna, tu tambana ma pansamotan.

Ia lapatan ni demban tiar :

On ma  na nidokna dembam tiar sirara hodong na ditoru ni dakkana.

Di bibina do daina, di tolona do daina

Sipadirgak panaili, sipaulak hosa loja

Asa tiar ma lakka nami, tiar ma tutu nang lakka muna.

Alai iango taringot tu ringgit si tio soara na ni setakni pamarenta ta

Dung sidung annon ulaon on hira ima upa ni loja muna.

Tarsongon hata ni umpasa namandok:

Molo sinuan gadong di songgopi ambaroba

Molo niula siulaon, ingkon marlaba do naloja.

Annon molo dung sidung ulaon on hira ima pasituak natonggi di hamuna.

Jadi las ma roha muna manjalo, gabehon hamu ma amang.

P        :         Nauli matutu jala nadenggan, di hita angka dongan pargonsi, nunga tangkas tabege patar songan indahan namasak, tedek songon dengke di balanga. Lasma rohanta ate. Jadi saonari amang pinta hamu gondang mu, asa hu palu hami taganing nami.

SG      :         Nauli ma tutu jala nadenggan,

Amang pande nami partarias namalo, di jolo ho siaduon, dipudi sipaimaon,

di tonga-tongan si pajagaron.

2.   Gondang Mulamula (Alu-alu & Mula- mula, untuk mengadukan segala keluhan kepada Tuhan Yang Maha Pencipta, Tuhan Yang Maha Kuasa) biasanya dilakukan tanpa bergerak dari posisi berdiri)

On pe nueng amang pargonsi amang pangoloi amang sioloan, panggora sungkot di langit, parsoara tandos tu tano, pargonsi sitombus dolok, parpanangar na gok di rura, partaganing parunung-unung, parsarune parende-ende, partarias namalo.

Alualuhon ma jolo tu Amanta Debata Pardenggan Basai, Sitompa Hasiangan, Sigomgom Parluhutan, Silehon Aek Na Tio, asa tangkas na di banua.

(taganing di pukul)

Alualuhon ma muse tu Amanta Raja, dohot Inanta Soripada.

(taganing di pukul)

Ia nunga dialualuhon hamuna i, amang pargonsinami,

Gorga ni jabu ruma, binuat batu hula.

Manortor hami nuaeng dison, bahen hamu ma jolo Gondang Mulamula.

3.  Gondang Sombasomba (sebagai persembahan kepada Yang Maha Pencipta.Semua penari berputar dengan kedua tangan bersikap menyembah).

Dison hami Panitia Pesta Bona Taon PARSADAAN RAJA SITORUS DOHOT BORUNA WILAYAH TANGERANG, asa di antaran na bidang, di lobuan na godang on rap marsomba hami tu Amanta Debata Pardenggan Basa i, sitompa saluhut nasa na adong jala haroroan ni saluhut tua dohot pasu-pasu, asa anggiat di oloi Amanta Parasi Roha i  elek-elek dohot tangiang nami di tikki Pesta Bona Taon on.

Alani i, pargonsi nami, laos bahen hamu ma Gondang Sombasomba i.

4. Gondang Siampapaga Na Lomak à mangaliat (menggambarkan Doa dan Permohonan Kepada Tuhan Yang Maha Kuasa)

Asa tinoto ni ulaon on, anggiat jumpang songon ni dok ni umpasa:

Jonjong di Uluan, manatapnatap dompak Tampahan,

Sai jumpang naniluluan, dapot najinalahan.

Amang panggual pargonsi bahen damang majo siampapaga na lomak dohot sipangurguri, asa lomak ampaga salongan, bidang jampalan udaman ni pinahan, sinur napinahan jala gabe naniula huhut gurgur sude parbue ni angka nasinuan, tumpahon ni Amanta Debata Pardenggan Basa i. Asa songon ni dok ni umpasa:

Binanga ni Sihombing binonggak ni Purbatua

Tusanggar ma amporik tu lubang ma satua

Sinur ma pinahan, gabe naniula.

Horasma partiga-tiga horas nang parkarejo

Horas angka pardalan-dalan, horas dohot angka pengusaha

Sai simbur magodang ma angka dakdanak songon ulluson purapura

Songon i  angka na magodang sai penggeng laho matua

Laos songoni nang negaranta, anggiat lam tu majuna.

Nuaeng pe bahen damang ma gondang na i.

5. Gondang Didangdidang (menggambarkan permohonan datangnya sukacita yang selalu didambakan manusia).

Ia nunga dibahen hamuna Gondang Siampapaga na lomak i

Anggiat ma tutu lomak angka pandaraman, lomak angka parsaulian.

Tuhanta ma na masumasu hita, dohot mandidangdidang sude Pomparan ni RAJA PAKPAHAN LUMBAN BOSI WILAYAH TANGERANG, asa rap mandidang sahala ni Amanta Raja, dohot badia ni Inanta soripada mulia.

Bahen hamu muse Gondang Didangdidang i.

6. Gondang Sitiotio (menggambarkan kecerahan hidup masa depan sebagai jawaban terhadap upacara adat yang telah dilaksanakan).

Pininta ni ulaon Pesta Bona Taon on anggiat ma songon hata ni sijolojolo tubu:

Marsiaminaminan songon lampak ni gaol,

Marsitungkoltungkolan songon suhat di robean.

mangulahon dibagasan sada pangkilaan

asa marjunjungan songon dolok

marbanggua songon rura

jumpang na jinalahan

tarida na niluluan.

Las ma dingindingin, las ginolomgolom,

Horas ma tondi jala madingin, Tuhanta ma na manggomgom.

Hasahatan ni gondang nami bahen damang ma Gondang Sitiotio i.

(Dang di paherbang be tangan, alai binahen ma ujung ni ulosniba di tangan niba duansa jala bahenon tangan songon na manjalo. Pangabisna jinouhon ma horas 3 X jala hiniaphon ma tangan niba rap dohot ulos i 3 X dompak abaraniba).

Baca tulisan berikutnya …..(tortor anak anak) 

KEBAKTIAN SYUKURAN ULANG TAHUN

Minggu 17 July 2016

Thema : “Hidup adalah Anugerah Allah”

Nats     : “Karunia Allah ialah hidup yang kekal dalam Kristus Jesus Tuhan Kita ‘ (Roma 6;23 B)

i.PERSIAPAN

PANGGILAN BERIBADAH

Saudara yang terkasih dalam nama Kristus Yesus,! Betapa baiknya Tuhan Allah kita. Dia mengadakan segala yang baik dalam kehidupan ini. Dialah juga yang merahmati titian hidup kita semua khususnya ,,,,,,,,,,,yang menjalani perjalanan hidup hingga genap 50 tahun hari ini,  satu hal yang harus kita imanai adalah:  firman Tuhan dalam Poda 3;16 ‘ DitanganNa  siamun do ganjang ni umur,jala di hambirang Na do hamoraon dohot hamuliaon.

Untuk itu mari sejenak menyatukan hati dan pikiran untuk menyampaikan syukur dalam doa dan pujian dan bernyanyi dari : BE 802 Pangke tikkim saonnari.

1.      Marende BE No 802 1-2 Pangke tikkim saonnari

·         Pangke tikkim saonnari,dapothin ma Tuhan mi,

Unang godang sidalian, ingot jempek ngolumi,

Nungnga rade hasonangan , disurgoi disurgoi

Unang adong nanggo sada naso parjambar disi,

Suan ma holong ni Roha,tiru ma Tuhanta i,

Las maroham di gotilon,jalo ma balos ni I,

Nungnga rade hasonangan,,,,,,,,,,

2.    Votum – Introitus

U:        Marhite-hite goar ni Debata Ama dohot goar ni Anakna Tuhan Jesus kristus Dohot goar ni tondi parbadia tapungka ma parsaoranta dibagasan sadari on

U+R:   Amen

U:        Puji Hamu ma Jahowa baritahon hamuma Goar Na i,

R:        Pabotohon hamu ditonga-tonga ni angka bangso Pambahenan Na i,

U:        Endehon hamu ma Ibana palu hamu ma parhinaloan, mamuji Ibana.

R:        Jahowa do partanobatoanhu,dohot haporusanhu,jala sipalua ahu,Debatangku sitiopanhu,marhaposan tu ibana do ahu, lombu-lombungku dohot tanduk ni partungkoanghu , haporusanhu.

U:         Tunggulhon hamu ma  goarNa, nabadia i, marlas niroha ma angka namangalului jahowa.

Kelg:    Puji Ma Jahowa ale Tondikku jala unang tung halupahon denggan ni basana sudena

U:         Jahowa do Debatanta sar tu liat portibion, akka uhumNa

R:         Haleluya

U:                    Martangiang ma hita:,,,,,,,,,,,,,,,,,,,,,,,,,,,,,,,,                 

3.    Marende: BE.753 Dipardalanan Jesus di jolongku

·      Dipardalanan Jesus dijolongku,Holong ni tanganMi manogu au
Nang di ngoluku Ho do sombaongku,Tung sonang mardalan raphon au.
Huboto do tangkas pangouonMu,Diiringiring Ho do langkangki
Sahat ro di ujung ni pardalanku,Togu ma au jonok tu lambungMi,

·      Patogu ma Tuhan haporseaonku,Asa polin tu Ho manghirim au,
Tu surgo I patulus pardalananku,TondiMi maringan ma di au.
Huboto do ………

4.    UNGKAPAN SYUKUR

U:    Siapakah yang dapat menambah sejengkal kehidupannya atau siapakah yang dapat meniti hari demi hari tanpa merasakan bahwa ada sesuatu yang mengadakan segala sesuatu?

R:    Oleh firman-Nya maka segala sesuatu dijadikan; oleh kasih-Nya segala sesuatu dibaharui.

U:    Adakah yang bisa berkata: ”aku hidup dalam kegagahanku, aku akan terbang dengan sayap-sayap emasku.”

R:    Dari debu manusia diciptakan; dari nafas-Nya sebuah kehidupan boleh teralami.

U:    Ya Allah sang Khalik Semesta, Engkaulah yang Awal dan yang Akhir, hanya kepada-Mu kami bersyukur.

Ulta: Dan kini aku hendak memuji dan bersyukur pada-Mu ya Allah dan hendak menyatakan kepada suami dan anak-anakku  , kerabat dan sanak-saudara, bahwa sesungguhnya Engkau baik dan teramat baik. Kasih-Mu tak terlukiskan dan kesetiaan-Mu tak terukirkan dalam setiap karya yang Tuhan Lakukan , karena apa yang Engkau berkati Ya Tuhan, diberkati untuk selama-lamanya.

R:       ,,Saat teduh ,music ½ suara,,menyanyikan “Bapa Engkau Sungguh Baik

               ”
Bapa Engkau sungguh baik,Kasih-Mu melimpah di hidupku
Bapa ku bert’rima kasih,Berkat-Mu hari ini yang Kau sediakan bagiku
Ku naikkan syukurku buat hari yang Kau b’ri

               Tak habis-habisnya kasih dan rahmat-Mu
S’lalu baru dan tak pernah terlambat pertolongan-Mu,Besar setia-Mu di s’panjang hidupku

5.    Kesaksian

6.    Marende BE.723 Tu joloM O Tuhan

·         Tu joloM O Tuhan sahat ma diringkon,Pangke ma au hombar tu lomoM,
Molo ndang hoTuhan, maringanan di au,diringkon ndang mararga be i.
Tung pogos pe dison manang,Sonang tahe marsigantung tu Ho Sasude holan

Ho HuihuthonNdang be diringkon togutogu tu na ture.

7.    Doa syafaat

8.    Marende: BE.716 1+3 Di na mamolus sandok ngoluon

·         Di na mamolus sangok ngoluon gok do na marsak gale.
Boan sinondang tu na holom I asa margogo muse.
Bahen ma ahu parhiteanMu pasupasuM ma baor ma I
Ale Tuhan hupatupa ma au baen pasupasu tu dongan sude.

·         Ula na denggan tu halak sude, songon binaenNa tu ho,
Ingot urupi luhut na gale, gabe parholong ma ho
Bahen ma ahu ……

9.    Renungan

10.  BE. 435. BL. 294. : Marolopolop tondingki.(P.Pelean)

·     Marolopolop tondingki ai naung di tobus Jesus i.
Hamu sude, bege ma I, sai las ro hangku mandok I Sonang ni ting ki I,
Dung jumpang Jesus Tuhanki ! Tondi na manga ja ri au, tarbaen marlas
Ni ro ha au ! Sonang ni tingki I, dung jumpang Jesus Tuhanki.

·     Dihaol holongna rohangki, tung na so boi be mago i.
MataNa do manatap au, pinggolNa tumangihon au. Sonang ni………….

·     Tu Jesus sahat ngolungki saleleng ni lelengna i.
Rap dohot au endehon ma endengku na imbaru da. Sonang ni…………..

11.  Pengutusan

U :      Berbahagialah orang yang tidak berjalan menurut nasehat orang fasik,

R :      Yang tidak berdiri di jalan orang berdosa.

U :      Dan yang tidak duduk dalam kumpulan pencemooh.

R :      Tetapi yang kesukaannya ialah Taurat Tuhan.

U :      Lalu merenungkannya siang dan malam.

R:       Ia akan seperti pohon yang ditanam di tepi aliran air.

U :      Yang menghasilkan buahnya pada musimnya, dan yang tidak layu daunnya.

R :      Semua hal baik yang diperbuatnya, pasti berhasil.

U:       Mari kita berdoa- Doa Bapak Kami_

R+U   Amen-Amen Amen

12.      Acara keluarga

                                                                                                                                        Ba,PakpahanFile’s